परमपुज्य श्री रघुनाथ महाराज  कालकुंद्रीकर यांचे कुळात श्री दत्त  महाराजांची सेवा अनेक पिढ्यांपासून चालत आली आहे. याचा संदर्भ गुरुचरित्रात सापडतो. --- नारायण स्वामी व जलवाहक (पाणक्या) कालकुंद्रीकर यांची कथा --- नारायण स्वामींच्या आशिर्वादाने कालकुंद्रीकर घराणे नावलौकिक मिळवून मोठे झाले.

परमपुज्य रघुनाथ महाराज हे कर्नाटक सरकारच्या सहकार खात्यात शासकीय सेवेत होते.-- दत्त महाराजांच्या आज्ञेने त्यांनी नोकरी सोडून पुर्णवेळ श्री सेवेत व्यतीत करण्याचे ठरविले व त्या प्रमाणे श्री क्षेत्र गाणगापूर, नरसोबाची वाडी, कोल्हापूर, आळंदी वगैरे क्षेत्री सद्गुरु सेवेत आपला काळ घालावीत असताना  सद्गुरुंच्या आज्ञेने ते आष्टी गावी सन १९६६ साली आले.

आष्टी क्षेत्री दत्त मंदिराची स्थापना करुन त्यांनी दत्त संप्रदायाच्या वृद्धीचे हेतूने मंदिरात त्रिकाल आरती सुरू केली. श्री दत्त जयंती, श्री गुरू पौर्णिमा, श्री मंदिर वर्धापन दिन हे उत्सव मोठया प्रमाणात तर श्री राम जन्म , श्री हनुमान जन्म हे उत्सव अल्प प्रमाणात साजरे करण्यास सुरूवात केली.

त्याच्या या अध्यात्मिक प्रवासात परमपुज्य गुरूमाऊली यांनी त्यांना मोलाची साथ दिली.

परमपुज्य गुरूमाऊली ( वहीनी) या मुधोळ गावच्या वैद्य परिवारातील श्री दामोदर पंत व आई गंगाबाई यांचे कन्या रत्न ---- तीन भावांची लाडकी बहीण ---- वैद्य घराण्यात ही अध्यात्मिक वातावरण सुरूवाती पासूनचे.

सुरेशराव व मनिषा ही अपत्ये 

परमपुज्य गुरूमाऊलींनी श्री क्षेत्र नरसोबाची वाडी येथे परमपुज्य महाराजांचे सोबत श्रींची खडतर सेवा केली ---- वाडी येथील दैनंदिन कार्यक्रमात सहभाग घेत असतानाच पहाटे उठून संपूर्ण प्रदक्षिणा मार्ग झाडून  स्वच्छ करणे, दुपारची आरती झाल्यावर प्रदक्षिणा मार्ग व घाट नदी पात्रातून पाणी आणून रोज धुणे वगैरे सेवा त्या करीत. या काळात परिवाराची गुजराण महाराज मधुकरी मागून करीत होते.

आष्टीला दत्त मंदिराची स्थापना केल्यावर महाराजांनी शिष्य परिवार वाढविण्यास सुरूवात केली. या शिष्य परिवाराला मायेची सावली देण्याचे कार्य परमपुज्य गुरूमाऊलींनी केले व त्या सर्व शिष्य व भक्त मंडळींच्या 'वहीनी' झाल्या.

परमपुज्य रघुनाथ महाराज दिनांक २८ ऑगस्ट १९९६ रोजी दत्त चरणी विलीन झाले. त्यानंतर पुढील २५ वर्षे परमपुज्य गुरूमाऊलींनी दत्त मंदिराची धुरा सांभाळली. या काळात मंदिराच्या वास्तू चा जिर्णोध्दार करीत असतानाच त्यांनी शिष्यवर्ग ही वृद्धींगत केला.

दिनांक १५ एप्रिल २०२१ रोजी गुरूमाऊली दत्त चरणी विलीन झाल्या.

प्रपंचात राहून ही विरक्त वृत्तीने सद्गुरु सेवा कशी करावयाची याचे उदाहरणच त्यांनी सर्वांना घालून दिले.